BROADCASTS.com

Lauksaimin\u012bku protesti i izvierzeit\u016bs praseibu pamatuojums, saulis pane\u013cu i vieja turbinu parki Latvejis p\u012br\u016bbe\u017e\u0101, atsaslieg\u0161ona nu Kr\u012bvejis elektroteikla, energeja nu atkrytumu i Nacionalais energetikys i klimata pl\u0101ns \u2013 par klimata i energetikys tendencem region\u0101 saruna ar klimata i energetikys ministru, ari lauksaimin\u012bku, nu Latgolys Saeim\u0101 \u012bv\u0101l\u0101t\u016b Kasparu Melni (ZZS).\n\nPar klimata i energetikys ministru (KEM) Kaspars Melnis tyka nomin\u0101ts 2023. gods septembr\u012b, tok navar nap\u012bsaukt, ka v\u0113\u013c 2022. gods decembr\u012b jis pats \u012bsastuoja pret itaidys ministrejis sataisei\u0161onu i pie\u010duok par juo \u012bce\u013c\u0161onu ministra omot\u0101 kategoriski beja preteim\u0101 ari Latvejis dobys aizsardzeibys organizacejis. \u201eGolvonais arguments de\u013ckuo es suokuos beju pret KEM, beja aiz tuo, ka byus klimats i energeja, bet nabyus vidis. Jo vidis bloks ir VARAM. I myusu pastatejums beja \u2013 ka mes vodom it\u016b ministreju, vidis blokam juo\u012bt pi myusu, jo kai var byut klimats bez vidis. Mes redzim \u2013 \n\n\nv\u012bns nu t\u016bs leluok\u016bs izaicynuojumu ir lel\u012b energetikys projekti, atjaunojamuo energeja, kas ir viejs, saule i vide. Tys ir v\u012bns nu golvon\u016bs aspektu, i leidza ar t\u016b niu mes asam n\u016bsav\u012bnuoju\u0161i, ka da vosorys vyda mes sakuortojam i puorl\u012bkam, i vidis bloks puor\u012bt pi myusu.\u201d\n\n\nAri Latgol\u0101 i p\u012br\u016bbe\u017e\u0101 vys vaira atsateista saulis parki, lels saulis parks atkluots Zylup\u0113, taids pl\u0101nuots ari Aug\u0161daugovys n\u016bvod\u0101 i Bolvu n\u016bvod\u0101 pi po\u0161a r\u016bbe\u017ea ar Kr\u012bveju. \u201eSaulis parki ir breineigs davums kai energetiskaj\u0101 dr\u016b\u0161eib\u0101, tai i ekonomik\u0101, sapr\u016btams, t\u012b ir ari sovi izaicynuojumi,\u201d saulis energejis atteisteibu Latgol\u0101 viertej ministrys, tym\u0101 po\u0161\u0101 laik\u0101 vieja turbinu parku atteisteibu komentej\u016bt jau daudzi p\u012bsardzeiguok. \u201eTe ir juosoka, ka ar vieja parkim Latgol\u0101 byus kai byus. Mes gaidom, kod Aizsardzeibys ministreja publiskuos karti. Jo tei problema, ar k\u016b sa\u012bt sasad\u016brt,\n\n\ntu vari izprojekt\u0113t vieja parku, pabeigt \u012btekmis iz vidi n\u016bviertiejumus, apsaspr\u012bs\u0161onys i gol\u0101 tev taipat tys ir juosaska\u0146oj ar Aizsardzeibys ministreju. Tys ir va\u013csts dr\u016b\u0161eibys vaicuojums.\n\n\nJo mes zynim, kaid\u016bs apstuok\u013c\u016bs mes niu dzeivojam, kas n\u016bteik s\u0101br\u016bs. Tys nav nikaids n\u016bsl\u0101pums, ka vieja turbinys dora sovys problemys n\u016bv\u0101ruo\u0161on\u0101 i cytuos l\u012btuos.\u201d