BROADCASTS.com

Þann 6. febrúar 1999 léku Keflavík og Njarðvík í bikarúrslitum. Hægt er að færa rök fyrir því að þetta tímabil hafi verið hápunktur rígsins sem hefur verið á milli liðanna frá fyrstu tíð.

Endalínan sló á þráðinn til nokkurra lykilmanna leiksins og heyrði hvað þeir höfðu að segja núna tæpum 22 árum eftir að leikurinn fór fram og er óhætt að segja að hann vekur enn upp stórar tilfinningar hjá mönnum. 

Viðmælendur okkar eru þeir Teitur Örlygsson, Friðrik Ragnarsson, Hermann Hauksson, Friðrik Stefánsson og Brenton Birmingham úr Njarðvík ásamt þjálfaranum Friðrik Inga Rúnarssyni. Úr Keflavík heyrum við í þeim Fal Harðarsyni, Birgi Erni Birgissyni, Kristjáni Guðlaugssyni og Damon Johnson ásamt þjálfaranum Sigurði Ingimundarsyni.

Einnig heyrum við í öðrum dómara leiksins, Leif Garðarssyni sem ræddi við okkur um reynslu sína af að dæma viðreignir Keflavíkur og Njarðvíkur auk þess að fara yfir stóru dómana úr leiknum og það var nóg af þeim!

Að sjálfsögðu í boði Bruggsmiðjunnar Kalda þar sem jólavertíðin var að klárast svo nú er það bara rúta af ljósum Kalda í dós og svo allt litrófið frá Whitefox!

Sérstakar þakkir til vina okkar hjá Sýn sem gáfu okkur leyfi til að nýta brot úr lýsingu þeirra Svala og Gaupa af leiknum til að stemmingin skilaði sér beint í þín eyru!

Þið finnið allt þetta og svo miklu meira á podcaststöðinni!