Helgi Valur Daníelsson
Helgi Valur Daníelsson er fæddur í Uppsala, ólst upp á Selfossi en mætti sprækur í Lautina 12 ára gamall hvar hann er auðvitað goðsögn. Helgi fór ungur að árum til Peterborough United þar sem hann lærði að drekka og spila fótbolta en kom aftur heim endanlega 22 ára og spilaði með Fylki í þrjú ár áður en hann hélt aftur í atvinnumennsku sem stóð svo yfir í tæp 10 ár í Svíþjóð, Þýskalandi, Portúgal og Danmörku. Helgi Valur er um margt ólíkur steríótýpunni af fótboltamanni og hann gerði upp ferilinn í hreinskilnu, einlægu en fyrst og síðast virkilega skemmtilegu spjalli þar sem hann fór meðal annars yfir ljóðið sem hann samdi í tilefni 75 ára afmælis Alþýðusambandsins og þegar hann reyndi að gefa Jimmy Bullard á kjaftinn.